Tá an polasaí seo réadtiomnaithe chun a bheith i gcomhréir le hachtanna éagsúla an Oireachtais m.sh Acht Oideachais (1998), Acht um Stádas Comhionann (2000) agus Acht um Chomhionannas Fostaíochta (1998). Tá sé i gceist aige prionsabail an chirt agus an chomhionannais a chothú ar son chomhphobal na scoile.
- Ní dhéanann critéir rollaithe Scoil an Duinnínigh leithcheal ar dhaltaí le cúlra éagsúil sóisialta. De réir Polasaí Rollaithe na scoile bíonn rochtain chomhionann ag gach dalta ó cheart.
- Is é polasaí na scoile go mbeadh réimse áiseanna atá cothrom ó thaobh inscne de i gcúrsaí curaclaim – téacsleabhair, ábhair choimhdeacha, bogábhar, fearas spóirt etc.
- Baintear úsáid as gach deis chun cothromaíocht inscne a chothú trí mheán an churaclaim discréidigh/fholaithe.
- Cinntíonn na múinteoirí go ndéantar an curaclam a chur trasna ar bhonn cothrom ó thaobh inscne agus glacann siad le gach deis chun tuiscint na ndaltaí a spreagadh maidir le dearcadh neamchomhfhiosach.
- Ní déantar idirdhealú ar bith idir an dá inscne agus na ranganna á leithdháileadh.
- Mar atá aontaithe leis an mBord Bainistíochta agus na tuismitheoirí ní foláir do na daltaí i Scoil an Duinnínigh éide scoile a chaitheamh.
- Ní chuirtear ábhar ar bith i bhfógraíocht ar bith a thabharfadh le fios go bhfuil meas ar leith ar inscne ar bith.
- Ní chuirtear ceist ar bith a chur i rith agallaimh a d’fhéadfaí tuiscint a bhaint as go bhfuil idirdhealú i gceist ar bhonn inscne.
- Fostóir Comhionannais Deiseanna is ea an scoil seo.
- Tacaíonn an Bord Bainistiochta leis an bpolasaí agus le héiteas an chomhionannais agus na rannpháirtíochta i measc chomhphobal iomlán na scoile.
- Cothaíonn an fhoireann coincheap an chomhionannais agus an chirt do chách, ins na cláir oideachais ar leith agus sa churaclam “folaithe” ar feadh an lae ar scoil.
