A Chairde tá eolaithe óga Rang A Trí ag obair go dian mar is gnáth. Bhíomar ag foghlaim le déanaí faoi uisce !
Bhíomar ag fiosrú agus ag faire ar an t-uisce mórthimpeall orainne sa bhaile agus ar scoil. Bhíomar ag smaoineamh agus ag samhlú faoin slí go dtagann an t-uisce chugainn ón bhfarraige agus faoin slí go n-imíonn sé ar ais arís go dtí an fharraige.
An raibh a fhios agat go bhfuil ana-chuid uisce faoin talamh? Agus go mbíonn sé ag bogadh faoin talamh ? Bhí an t-ádh dearg linn gur tháinig Monica agus Sara ón Súirbhéacht Gheolaíochta Éireann ar chúairt chugainn.
Is saineolaithe cearta iad agus d’éirigh linn a lán rudaí nua a fhoghlaim, agus d’éirigh linn an-taitneamh a bhaint as na turgnaimh íontacha a bhí acu !
Cheap an rang gur slí íontach a bhí ann le bheith ag foghlaim faoin méad atá ag tarlú faoin talamh gach aon lá cé nach féidir linn na rudaí sin a fheiscint. Seo cúpla tagart ó na páistí iad féin:
Cian Andreucetti: “Bhí sé níos fearr ná gnáth lá sa rang mar bhí muid in ánn pumpáil a dhéanamh ar uisce faoi thalamh. Bhí muid ábalta uisce a bhrú anuas le dath ann agus chonaic muid an dath sinn ag bogadh timpeall”
Abi Ní Dhuibhir: “Bhí muid ag féachaint ar na boscaí lán le gainneamh agus ag féachaint ar na dathanna gorma, dearga agus glasa á chuireamar isteach ann. Bhí sé ar nós go raibheamar faoin talamh!”
Fionn Ó Baíolláin: “Bhí sé ana-mhaith mar bhí muid ag foghlaim conas gur tháinig an t-uisce ón spéir anuas agus conas go ndeachaigh sé faoin talamh agus isteach sna haibhneacha agus san fharraige.”
