Bhíomar thar a bheith gnóthach i Rang 1 an mhí seo.
Thosaíomar le taispeántas álainn a chruthú le Rang Charleen ar an téama Cineáltas.

Bhaineamar an taitneamh as na stáisiúin mhata freisin. Bhíomar ag suimiú agus ag foghlaim faoi aonaid agus deicheanna.

Rinneamar staidéar ar an bhfómhar agus ar scoileanna fadó agus scoileanna sa lá atá ann inniu le linn ár gceachtanna OSIE.  Bhí na páistí fíorbhuíoch go bhfuil scoil álainn againn anois agus nach bhfuil bata ag na múinteoirí a thuilleadh mar a bhí fadó.

Bhí Lá Nollag againn ar scoil ag dearadh na gcártaí Nollag. Thug sé inspioráid dúinn rudaí Nollag a chruthú le Lego.

Bhaineamar taitneamh freisin as Lá Eorpach na dteangacha. D’fhoghlaim muid conas Dia duit a rá i neart teanga éagsúla.

D’éirigh linn 30 chárta ghlas a bhaint amach roimh dheireadh na míosa. Bhí na páistí ar bís a gcuid éide féin a chaitheamh ar scoil agus bréagáin a thabhairt isteach. Seo pictiúr den rang sna pitseámaí don cheiliúradh 10 gcárta!

Táimid ag tnúth go mór don bhliain atá romhainn!!!